​ ​ ​ ​ ​ ​ ​ ​​ ​ ​25 yanvar 2023 - cü il tarixdə Xocalı şəhər 3 nömrəli tam orta məktəbdə Ümummilli Lider Heydər Əliyevin həyatı və siyasi fəaliyyətinə həsr olunmuş tədbir keçirildi. Tədbirdə məktəbin direktoru Məhərrəmov Eldəniz Təhməz oğlu geniş və əhatəli giriş nitqi söylədi. O, Heydər Əliyevin Azərbaycan xalqı qarşısındakı misilsiz xidmətlərindən, Azərbaycanı dağılmaq təhlükəsindən xilas etməsindən, ölkəmizi dünya arenasında tanıdıb, onu dünyada sayılıb seçilən bir dövlətə çevirməsindən danışdı.​​ Sonra məktəbin Tarix müəllimi Xəyalə Məmmədova Heydər Əliyev irsi barədə ətraflı çıxış etdi. Daha sonra Ümummilli Liderin həyatı və siyasi fəaliyyətindən bəhs edən qısametrajlı filmlər və vedeoçarxlar nümayiş etdirildi.​ ​ ​ ​ ​ ​ ​ ​ ​ ​ ​ Tədbir məktəbin şagirdlərinin​ ifasında Ümummilli Lider Heydər Əliyevə həsr olunmuş​ ədəbi - bədii kompozisiya ilə yekunlaşdı.​ ​ ​ ​ ​ ​ ​ ​ ​ ​ ​ ​ ​ ​Eldəniz Məhərrəmov,Xocalı şəhər 3 nömrəli tam orta məktəbin direktoru